Македонија
|
|
МАКЕДОНИЈА |
|
[15.06.2006] Под слоганот „Да се остане човек“, ДОМ вечерва изборната кампања ја започна од центарот на Струга, поради, како што се слушна на митингот, симболиката за победа на граѓанскиот отпор.
|
[15.06.2006] Eден ден после нивниот коалиционен партнер СДСМ, во Универзалната сала во Скопје ДУИ ја одржа својата изборна конвенција.
|
[15.06.2006] 15 години трае грабежот што власта го прави на народот. Неопходен е излез од длабоката криза и борбата за гола егзистенција. Ова се дел од размислувањата на земјоделците кажани вчера на конвенцијата на Партијата за економска обнова, одржана на отворено во центарот на Македонија, близу Чашка велешко.
|
[15.06.2006] И тоа се случи. Изборната кампања од денеска и официјално е почната. Но, не дека некоја од политичките партии беа во исчекување или пак, рокот ги спречуваше да се промовираат.
|
[15.06.2006] Со булдожер во партиски штаб, украдени изборни материјали, обвинувања, партиски знамиња на јарболите за државни празници, вака започна изборната кампања.
|
[15.06.2006] 30.000 евра, толку е казнет Никола Младенов затоа што напиша дека Бранко Црвенковски има тајни сметки во Швајцарија. Судијката Снежана Бајлозова која стана новиот рекордер по доделената сума смета дека е виновен за клевета.
|
[15.06.2006] Три момчиња, досегашни штитеници на домот за деца без родители 11-ти октомври од денеска живеат во нов стан. Џамал Поповски, Асан Јусуфи и Ибиш Џафери се вселија во станот кој за нив го обезбеди министерството за социјала. Велат дека требало да се вселат уште пред 6 месеци.
|
[15.06.2006] 18 зависници од дрога годинава починале чекајќи министерот Димов да ги отвори центрите за лекување, тврдат од невладината ХОБС. 500 семјства очајно чекаат нивните деца конечно да бидат ставени на третман за лекување во центарот во Кисела Вода.
|
[15.06.2006] Граѓаните да излезат и да гласаат за да не им биде украден гласот. Ова е пораката од денешната трибина на неколку невладини организации. Нивните истражувања покажале дека високата апстиненција на граѓаните само ќе им помогне на политичките партии да ги фалсификуваат гласачките ливчиња. „Наша најголема шанса да имаме фер и демократски избори е ако граѓаните излезат и гласат. Висока апстиненција, заборавете на фер и демократски. Висока апстиненција ќе значи една апатија на граѓанството што ќе биде предизвикувачки за политичките партии да лажат малку и ќе значи делегетимизирање на процесот кој после ќе биде проблематичен од сите можни насоки“, изјави Сашо Клековски
|
[15.06.2006] Одредена е новата судијка за случајот Бачило, Јасмина Блажевска го презема случајот од вчера иземената Снежана Попчевска.
|
[15.06.2006] Македонските дипломирани лекари во иднина на Медицинскиот факултет во Скопје ќе имаат можност да посетуваат постдипломски мастер студии за акупунктура, како дел од кинеската традиционална медицина, кои ќе траат две години, а ќе вклучуваат и тримесечен престој во Кина, каде ќе имаат практична обука.
|
[15.06.2006] Министерот за труд и социјална политика Стевчо Јакимовски на тројца младинци без родители и родителска грижа денеска им ги предаде клучевите од станот за кој закупнината во наредниот период ќе ја плаќа Министерството за труд и социјална политика.
|
[15.06.2006] Социјалдемократите од изборната конвенција испратија порака дека тимот што во наредниве четири години и треба на Македонија се луѓето од коалицијата „За Македонија заедно“. Тимот што единствено може да го одработи, како што изјавија, европскиот проект кој, како што рече Бучковски, не се прави само за еден мандат.
|
[14.06.2006] Оркестрантите од операта и филхармонијата денеска пред министерството за култура, повторно во потрага по достоинствени плати.
|
[14.06.2006] Безживотното тело на 44 годишниот струмичанец денеска на пладне било пронајдено од припадниците на специјалната единица на МВР на 100 метри оддалеченост од таканаречената струмичка плажа каде последен пат бил виден со чамецот.
|
[14.06.2006] ДПА и денеска покажа дека главна тема на нивната изборна кампања ќе биде војната во 2001-та година. Тачи денеска го обвини Ахмети дека за време на војната, неговите луѓе мачеле активисти на ДПА во еден таен затвор во Албанија.
|
[14.06.2006] Светиот архиерејски синод на МПЦ преку соопштение ги повика политичките партии и сите православни граѓани во земјата на мирно, демократско и достоинствено однесување за време на изборите.
|
[14.06.2006] МВР забрзано вработува партиски кадри без конкурс, обвинуваат екс вработени во полицијата. Се користи старата шема, вработување на местото „овластено службено лице“ за што и не е потребен оглас. По шест месеци нововработените може да бидат распределени во било кој сектор на министерството.
|
[14.06.2006] „Богови кои туѓите животи ги држат во раце“. Вака лекарите и сестрите во извештајот на Институтот за социолошки истражувања ги етикетираат своите колеги кои земаат мито. Како најкорумпирани испитаниците ги посочуваат министрите и нивните заменици.
|
[14.06.2006] Љупчо Jордановски е еден од ретките, ако не и единствен политичар кој со нескриена еуфорија е испратен од опозиицјата како амбасадор. Честитки, успеси, здравје, дури и по волја беше на дневен ред денеска во комисијата за надворешна политика.
|
[14.06.2006] Снежана Почевска нема да го суди повторно предметот Бачило, изземена е поради одолговлекување на судската постапка. Со експресна одлука на претседателката на судот Кацарска, по барање на заменик на јавниот правобранител Шуплиновски.
|
[14.06.2006] Мендух Тачи не успеа да се спаси од американската црна листа на непожелни личности. Неговото име остана на листата и по вчерашното обновување.
|
[14.06.2006] Македонија е една од седумте европски земји, меѓу кои четири членки на ЕУ, кои соработувале со ЦИА при што ги прекршиле европските стандарди за човекови права, тврди „Амнести интернешнел“.
|
[14.06.2006] По повод Светскиот ден на крводарителството Црвениот крст на Република Македонија и Републичкиот завод за трансфузиологија, денеска пред платото на Домот на АРМ организираат крводарителска акција под мотото „Да го прославиме дарувањето на крв“.
|
[14.06.2006] Српската радикална партија почна да ја зацврстува својата позиција во државите од поранешна СФРЈ, изјави потпретседателот на оваа партија Томислав Николиќ за подгоричкиот весник „Дан“.
|
[14.06.2006] Собранискиот спикер Јордановски се подготвува да замине во САД. Тој вчера во Министерството за надворешни работи пред шефот на дипломатијата Илинка Митрева ги одбрани тезите за македонската политика во Америка.
|
[14.06.2006] Утрово околу 4 часот со автоматско оружје бил изрешетан угостителски објект, сопственост на семејството на тетовскиот градоначалник Хазби Лика.
|
[14.06.2006] По кусо боледување, на 82-годишна возраст синоќа во Охрид почина познатиот македонски ликовен уметник Вангел Наумовски.
|
Архива на вести од Македонија
|
|
|
|