|
15.06.2006
И тоа се случи. Изборната кампања од денеска и официјално е почната. Но, не дека некоја од политичките партии беа во исчекување или пак, рокот ги спречуваше да се промовираат.
Таа е веќе одамна во полн ек сепак, официјално од денеска па се до 3 јули партиите ќе сторат се да ги придобијат гласачите на своја страна.
Но, останува отворено прашањето дали пораките на партиите воопшто ќе допрат до граѓаните, особено ако се има в предвид дека кампањата оди паралелно со светското фудбалско првенство. Еве го одговорот на граѓаните што повеќе ги интересира фудбалот или политичките кампањи.
„Фудбалот дефинитивно. Фудбал апсолутно, фудбал многу повеќе фудбал. Фудбалот е многу по интересен од политиката“, изјавија граѓаните.
Овие пораки можеби ги натераа партиите на овие избори кампањите да им бидат по различни. Секоја партија стартува од таму каде што смета дека е најсилна.
Така СДСМ, својата кампања официјално ја почна од градскиот стадион, популистички. Опозициските партии го одбраа туристичкиот Охрид. Од овој град стратува ВМРО ДПМНЕ, обидувајќи се да ги потсети граѓаните што се тие сторија за охриѓани додека беа на власт.
Од истите мотиви, таму стартуваше Георгиевски и неговата народна. Нивниот митинг беше во античкиот амфитеатар, реновиран додека Георгиевски беше премиер.
Од охридскиот регион стартува и Поповска. Таму беше најголемиот отпор против територијалната поделба и веројатно сака да ги потсети дека таа го поддржа референдумот.
Новите социјалдемократи на Петковски го одбраа Куманово и втората изборна единица. Место кое според анкетите им ветува најмногу гласови.
Најоригинална во стартот беше партијата за економска обнова. Тие својата конвенција ја одржаа на пољана под ведро небо, пред фармери и земјоделци, целна група на која типува оваа партија.
|
|
|