15.06.2006
15 години трае грабежот што власта го прави на народот. Неопходен е излез од длабоката криза и борбата за гола егзистенција. Ова се дел од размислувањата на земјоделците кажани вчера на конвенцијата на Партијата за економска обнова, одржана на отворено во центарот на Македонија, близу Чашка велешко.
„Постојаната криза е последица на економското предавство од досегашните влади врзани со ММФ и Светската банка. Направија да бидеме зависни од увоз на храна и тие да одлучуваат за користењето на нашите пари“, рече лидерот на ПЕО Велија Рамковски.
„ММФ и Светска банка, ќе ви кажам што ни направија, милијарда и 200 милиони евра годишно повеќе од кај нив отколку што им продаваме. Милијарда и 200 им носиме и нив им плаќаме милијарда и 500 мораме да издржиме. 3.000 евра од секоја фамилја таму да знаете дека имате“, изјави Велија Рамковски од ПЕО.
Го допревме дното. Неопходна е итна економска обнова. Земјата да се врати на земјоделците, да се инвестира во домашното производство, пишува во резолуцијата упатена до земјоделците.
„Земјоделци да им ја обновиме надежта. Да се обединиме за доброто на Македонија“, рече Иљо Малинов земјоделец.
Земјоделец, тутунар, овоштар, фармер се носителите на листи на ПЕО.
Ќе го развиеме земјоделството, ќе го вратиме животот во селата, ќе ја зајакнеме економијата беше истакнато на конвенцијата. Неопходен е излез од колапсот во кои се наоѓаат македонските земјоделци.
Слоганот со кој ПЕО настапува на парламентарните избори е „Гласај за себе“.
|