|
15.06.2006
Три момчиња, досегашни штитеници на домот за деца без родители 11-ти октомври од денеска живеат во нов стан. Џамал Поповски, Асан Јусуфи и Ибиш Џафери се вселија во станот кој за нив го обезбеди министерството за социјала. Велат дека требало да се вселат уште пред 6 месеци.
„Ради изборите да се каже на пример дали е ради изборите би требало тоа да е така по мое мислење. Јас чекам скоро шест седум месеци требаше ова порано да се случи“, изјави Џамал Поповски
Додека министерот им ги даваше клучевите за новиот стан на Џамал, Асан и Ибиш, пред владата штрајкуваа 13 поранешни штитеници на домот за деца без родители. Иако пред четири години добија станови во населбата бутел и веќе ги потпишале решенијата, се уште не можат да се вселат во новите домови.
„Мора во рок од 15 дена според законот. Треба да се вселиме ние веќе месец дена не можеме да се вселиме во становите поготово ние што сме домски деца веќе на улица сме“, рече Милислав Мијалчиќ
Но 13-те поранешни штитеници на домот за деца без родители денеска си заминаа без одговор. Зградата во која се нивните станови комплетно е готова веќе една година. инаку без кров над главата се повеќе од 50 деца кои по полнолетството ги напуштиле домовите за деца без родители.
|