Макфакс
|
|
|
15.06.2006
Ако на крајот од преговарачкиот процес за статусот на Косово разликите меѓу двете страни бидат непремостливи, конечната одлука ќе ја донесе Советот за безбедност на ОН.
Ова во интервју за денешното издание на белградскиот весник „Вечерње новости“ го изјави Ху Џијанг, портпарол на Марти Ахтисари, специјалниот пратеник за решавање на статусот на Косово.
Во врска со текот на преговорите и досега одржаните шест рунди во Виена, Џијанг рече дека и белградскиот и приштинскиот преговарачки тим повеќе од кога било се свесни за разликите за кои преговараат.
„Постои голем јаз меѓу нив, ние сега работиме на тоа како да овозможиме продолжување на преговорите и се надеваме дека ќе успееме да ги приближиме двете страни“, изјави портпаролот на Ахтисари.
Таа најави дека Ахтисари на почетокот на јули ќе го извести Советот за безбедност за преговарачката позиција на Србија, по што планира да ги повика двете страни да ги презентираат нивните позиции на највисоко ниво.
|