|
14.06.2006
По осум годишно експериментирање, една катастрофална поделба и две годишни анализи владата и Светиниколската локална самоуправа конечно ја започна поделбата на 4.000 хектари државна земја.
Денес се поделени најлошите земјоделски парцели. Во Светиниколското село Орел премиерот лично ги врачи првите договори на новите корисници.
„Да немаме како предходно злоупотреби и всушност да биде давање под закуп на дел од земјоделците кои условно речено ќе бидат аргати“, изјави премиерот Владо Бучковски
Наместо пред почетокот на сезоните, земјата се делеше пред жетва во очи на парламентарните избори. Невладиниот сектор, премиерот и локалната самоуправа се уверени дека сега е вистинскиот момент.
„Не е пред изборен маркетинг. Па тоа е проценка на комисијата“, рече Слободан Даневски, градоначалник на Свети Николе
Но жителите на овчеполскиот регион говорат од сопствено искуство.
„И првата поделба што ја даваа на телевизија беше катастрофа и сега истото ќе биде штом е пред избори“ , изјави Никола Наунов, земјоделец од с. Орел
Светиниколското село Орел одамна е иселено. Во него сега живеат само три домаќинства. Токму поради тоа дел од неговите некогашни жители се прашуваат во чии раце заврши земјата од овој атар која денес беше предмет на делба.
|