13.06.2006
|
„Владата укинува 200 милиони денари субвенции кои требаше да ги има за развој на овие гранки“ |
| |
Срамна и дискриминаторска е најновата владина одлука со која целосно се скратија стимулациите за овоштарите и лозарите.
ВМРО-Народна обвинува дека со пренамена на овие пари за тутунарите власта сака да направи раздор меѓу земјоделците.
„Оваа ненародна влада носи одлука за укинување на средствата наменети за лозарството, овоштарството и житните култури во РМ. Владата укинува 200 милиони денари субвенции кои требаше да ги има за развој на овие гранки“, изјави Спиро Мавровски, ВМРО-НП.
„Загрижувачки е фактот што Владата ова го прави на еден таен начин. Владата на овој начин ќе се обиде овој чин да го претстави како обид за помош на еден друг дел од земјоделците, а тоа се тутунарите. Но, мораме да кажеме дека ова е најголемата лага што ја прави СДСМ на крајот од своето владеење“, рече Мавровски.
|