22.05.2005
|
| Приватниот живот на јавните личности е скриен од љубопитните погледи на граѓаните |
| | |
Во костум и кравата. Официјални, примерни, учтиви, затворени, лицемерни. Само во вакво светло пред камерите ги знаеме нашите политичари.
Приватниот живот на јавните личности е скриен од љубопитните погледи на граѓаните. Како се живее во резиденциите на Водно, каде е домот на поранешниот премиер Георгиевски, зошто ги нема Благовестие и Снешка, каде низ светот се сопругите на Ахмети и Џафери, колку е благодет да си во опозиција, каква е бизнис релацијата меѓу Бранко и Јасна Црвенковски, што прават младите сопружници Груевски?
Кој е спикер во домашниот парламент на Јордановски. Засега нема одговор на ниту едно од овие прашања.
„Не интересира приватниот живот на политичарите, со кого го поминуваат времето, дали се дружат меѓу себе, колку плата земаат, но тоа се тајни“, велат граѓаните.
Не е нормално е приватниот живот на политичарите да биде атрактивен само кога треба да им се додворат на избирачите.
„Разбирлива е таа љубопитност на граѓаните, бидејќи на политичарите им се придава статус на привилегирани, луѓе чии што ставови и поведение без оглед на личните перформанси се чинат важни за јавното внимание, затоа што го живеат нашиот мандат. Анџелина Џоли може да не зборне за себе и при тоа да остави многу мажи во кратки ракави, но на тие во политиката им требале наши ливчиња“, вели Линдита Кадриу асистент на факултетот за комуникологија при ЈИЕ.
Збор два за приватниот живот А1 извлече за време на претседателската кампања, кога на 4-цата кандидати им беше во интерес да се промовираат како луѓе од народот.
„Многу сум приврзан за семејството, не само со жената и со детето туку и со родителите и сестрата. Многу ми е битна нивната поддршка и мислење, секогаш кога донесувам крупни политички одлуки, а посебно одлуки кои ќе го променат и нивниот живот, сакам да го слушнам и нивното мислење. Тоа не значи дека нивното мислење е пресудно, меѓутоа многу ми значи кога ја имам и нивната поддршка“, вели Бранко Црвенковски.
„Имам едно, граѓаните го викаат виц. Па и мојата жена го вели. Дека таа ми е втора жена. Првата жена армијата и политиката, а втора жена. Жена која се грижи за мене семејството“, вели Гзим Острени.
Не е само морално, туку е и законски да се влезе во домовите на политичарите, вели професорот Иљо Трајковски. Според него последниве генерации на политичарите имаат напредок во тој поглед и имиџот го пресликуваат од нивните американски колеги. Но промените во Македонија одат бавно.
„Не само морално, туку понекогаш е и законска потреба. Јавноста секогаш сака да се заштити себеси од тајноста на приватната сфера. Но исто така и приватноста има право да биде заштитувана и тука границите треба да се постават сериозно. Логички е да очекуваме информации околу материјалната состојба затоа што тоа може сериозно да се одрази на она што се вика конфликт на интереси“, вели Иљо Трајковски професор на Филозовски факултет.
И меѓу политичарите има поатрактивни и помалку интересни. Но нема човек кој не сака да ѕирне во нивните дворови, да ги види релаксирани и во тренерки.
„Сакам да го видам Црвенковски со сопругата“, вели еден граѓанин.
„Мене најинтересен ми е Бучковски“, вели друг граѓанин.
Отворајќи ги портите на приватноста, камерите нема да влегуваат со папараци. Кој е шеф на работа, а кој дома. Колку имаат време за приватност и дали го трошат на семејството. Секоја недела во вестите на А1 ќе може да влезете во домовите на политичарите.
|