|
МИА
|
 |
|
14.06.2006
Двајца војници, припадници на меѓународните коалициски сили во Авганистан, загинаа вчера при судири со талибанците во авганистанските провинции Хелманд и Конар, соопшти денеска командата на американските сили во Кабул.
Едниот од убиените војници е припадник на Вооружените сили на САД, додека националноста на вториот загинат се уште не е позната.
Американскиот војник загинал кога бунтовниците со бомби и лесно пешадиско оружје нападнале патрола на коалициските сили која доставувала храна за војската во реонот на Муса Кала.
Во соопштението на американската команда се наведува дека другиот војник загинал при судир со бунтовниците во провинцијата Конар.
Над 11 илјади војници од меѓународната коалиција учествуваат во операцијата против талибанците во јужните и североисточните планински реони на Авганистан, што е најголема офанзива по падот на талибанскиот режим во 2001 година.
„Во операциите кои почнаа во средината на мај во јужните делови на Авганистан учествуваат и многу авганистански војници“, изјави портпаролот на коалициските сили Пол Фицпатрик, најавувајќи дека следбата фаза од операцијата ќе биде во северните провинции на јужен Авганистан.
|