የአፍሪቃ ዋንጫ ፍጻሜ 2013

አይቮሪ ኮስት ሁለተኛነት በቅቷታል

በዝሆኖች የሚመሰሉት የአይቮሪ ኮስት ተጫዋቾች ወደ ደቡብ አፍሪቃ የሚያመሩት የሁለተኝነት ማዕረጋቸውን ይዘው ነው። በማጣሪያው ሤኔጋልን አሸንፈዋል። አይቮሪ ኮስት በመጀመሪው ግጥሚያ አቢጃን ላይ 4-2 ስታሸንፍ የመልሱ ጨዋታ ዳካር ላይ አይቮሪ ኮስት 2-0 እየመራች ሳለ በኹከት ሳቢያ መቋረጥ ነበረበት። በዚሁም ሤኔጋል ልትታገድና አይቮሪ ኮስት ልታልፍ በቅታለች። በምድብ-አራት ውስጥ ተጋጣሚዎቿ ቱኒዚያ፣ አልጄሪያና ቶጎ ይሆናሉ።

የአፍሪቃ ዋንጫ ፍጻሜ 2013

ኢትዮጵያ የሚጠብቃት ፈተና

የብሄራዊ ቡድኑ አሠልጣኝ ሰውነት ቢሻው ቡድኑን ከአንድ ዓመት ባነሰ ጊዜ ውስጥ ባደረጉት ጥረት ለፍጻሜ ዙር ለማድረስ በቅተዋል። ኢትዮጵያ በአፍሪቃ ዋንጫ ፍጻሜ ሳትሳተፍ እስካሁን 31 ዓመታት ነው ያሳለፈችው። በ 1962 እንደ አስተናጋጅ አገር የሶሥተኛው የአፍሪቃ ዋንጫ ባለቤት ለመሆን መብቃቷ የእስከዛሬ መኩሪያዋ ነው። ደቡብ አፍሪቃ ውስጥ በምድብ-ሶሥት ውስጥ ያለፈው ዋንጫ ባለቤት ዛምቢያ፣ ናይጄሪያና ቡርኪና ፋሶ ይጠብቋታል። ከባድ ምድብ ነው የገጠማት።

የአፍሪቃ ዋንጫ ፍጻሜ 2013

ያለፈው ዋንጫ ባለቤት ዛምቢያ

የዛምቢያ ብሄራዊ ቡድን በ 2012 የአፍሪቃ ዋንጫ ውድድር ያገኘው ድል በአጭሩ የሚረሣ አይደለም። ዛምቢያ በፍጻሜው ጨዋታ ከጭማሪ ሰዓት በኋላም ባልለየለት ግጥሚያ አይቮሪ ኮስትን በፍጹም ቅጣት ምት 8-7 አሸንፋ ነበር ለሁለተኛ ጊዜ የዋንጫ ባለቤት ለመሆን የበቃችው። ቡድኑ በመጪው የ 2013 የአፍሪቃ ዋንጫ ፍጻሜ ውድድር በምድብ-ሶሥት ውስጥ የናይጄሪያ፤ የቡርኪና ፋሶና የኢትዮጵያ ተፎካካሪ ነው።

የአፍሪቃ ዋንጫ ፍጻሜ 2013

የጋና ሕልም አምሥተኛ ዋንጫ ነው

ጋና እስካሁን አራት ጊዜ የአፍሪቃን ዋንጫ አግኝታለች። ስምንት ጊዜ ለፍጻሜ የደረሰችም አገር ናት። ለመጨረሻ ጊዜ ከሁለት ዓመት በፊት አንጎላ ውስጥ ለፍጻሜ ስትደርስ በጥቂቱ በግብጽ 1-0 መረታቷ ይታወሳል። ታዋቂ ተጫዋቿ በስተቀኝ የሚታየው የኦላምፒክ ማርሤይ የመሃል ሜዳ ኮከብ አንድሬ አየው ነው። ጋና በምድብ-ሁለት ውስጥ ከማሊ፣ ከኒጀርና ከዴሞክራቲክ ሬፑብሊክ ኮንጎ በአንድ ተደልድላለች።

የአፍሪቃ ዋንጫ ፍጻሜ 2013

ናይጄሪያ ከቀደምቱ አንዷ ናት

የናይጄሪያ ብሄራዊ ቡድን አፍሪቃ ውስጥ ግሩም ከሚባሉት አንዱ ነው። ናይጄሪያ በ 1994 በዓለም የእግር ኳስ ፌደሬሺኖች ማሕበር በፊፋ የማዕረግ ተዋረድ ላይ አምሥተኛውን ቦታ ለመያዝ በቅታ ነበር። ይህ ደግሞ እስካሁን አንድም የአፍሪቃ አገር ያልደረሰበት ደረጃ ነው። አገሪቱ በ 1980 እና 1994 የአፍሪቃን ዋንጫ አሸንፋለች። ሶሥት ጊዜም ሶሥተኛ ነበረች። ናይጄሪያ የተሰለፈችው በምድብ-ሶሥት ከዛምቢያ፣ ከኢትዮጵያና ከቡርኪና ፋሶ ጋር ነው።

የአፍሪቃ ዋንጫ ፍጻሜ 2013

ቡርኪና ፋሶ ጥሩ ውጤት ትመኛለች

ምዕራብ አፍሪቃይቱ አገር ታላቅ የእግር ኳስ ታሪክ የላትም። የእስካሁን ከፍተኛ ውጤቷ በ 1998 የአፍሪቃ ዋንጫ ፍጻሜ ለአራተኛ ቦታ መብቃቷ ነው። ከዚያን ወዲህ እርግጥ ያለማቋረጥ ለፍጻሜ ዙር መድረሱ ሲሳካላት ቆይቷል። ኮከብ ተጫዋቿ አጥቂዋ ሞሙኒ ዳጋኖ ሲሆን በምድብ-ሶሥት ዛምቢያ፣ ናይጄሪያና ኢትዮጵያ ይጠብቋታል።

አዘጋጅ: መሥፍን መኮንን | ዋና አዘጋጅ: ሂሩት መለሰ