Макфакс
|
|
|
15.06.2006
„Секс шоу“ на бикови, кои се парат со вештачки крави, е главна атракција на земјоделскиот саем во Нов Зеланд.
Лажните крави, направени од пластика и покриени со природно крзно, се производ на компанијата „Амгрид“ од Нов Зеланд, со цел, на безбеден и ефикасен начин да се собере семе од бикови и да се подобри постапката на вештачко оплодување на крави.
Слични справи се користат и во Европа, но ова е нивна прва примена во Нов Зеланд, каде млечните производи се главни извозни артикли.
Вештачките крави ги движи човек кој ги приближува на бикот и ги прилагодува на неговата висина.
„Воопшто не е пријатно да се биде под бик кој е тежок еден тон и кој се однесува прилично агресивно“, изјавил претставникот на компанијата „Амгрид“, Ендрју Медли.
Семето од биковите се собира со помош на справа која личи на вагина на крава, која исто така ја придржуваат луѓе.
|