МИА
|
|
|
15.06.2006
Руските научници утврдиле дека микроорганизмите можат да егзистираат во отворената вселена, наспроти суровите услови и температурни разлики од минус до плус 100 степени Целзиусови, изјави Анатолиј Григорјев, директор на Институтот за медицинско-биолошки проблеми при Руската академија на науки.
Во рамките на експериментот на научниците направен пред една година, на рускиот сегмент на орбиталната станица се поставени три контејнери со примероци бактерии за да се утврди дали тие можат да опстанат.
„Микроорганизмите се во состојба да преживеат. Подготвувајќи се за меѓупланетарни летови мораме да бидеме сигурни дека вселенските бродови на идните астронаути нема да страдаат од бактерии и заразата нема да биде пренесена, на пример на Марс“, изјави Наталија Новикова, шеф на лабораторијата на Институтот.
|