Наташа Стојановска

„ЕВН“, австриските газди на ЕСМ дистрибуција ќе бидат сопственици и на термоцентралата Неготино. Добиле најмногу бодови според планираните инвестиции.

За централата ќе платат 4 милиони евра, што е најмалку од сите други конкуренти но, ветиле дека ќе инвестираат неверојатни 751 милион и 700 илјади евра.

Тоа е речиси три пати повеќе отколку што платија за ЕСМ дистрибуција. Ќе вработат 93 луѓе.

Австријците и официјално ќе станат сопственици на термоцентралата во Неготино веднаш по изборите. Владата на денешната седница само ја усвои ранг листа што ја направи комисијата задолжена за оценување на понудите на петте компании што доставија понуди за ТЕЦ Неготино.

Од игра испадна канадската компанија „Енергем ресурсис“ поради откриени неусогласености во финансиските извештаи за нејзиното работење.

За термоцентралата во Неготино се бореа и австриската компанија „Вербунд“, која понуди 480 милиони евра, потоа канадскиот конзорциум „Хач“ кој понуди 325 милиони евра и руската „Рао“ со понуда од 31 милион евра.

Превземањето и на термоцентралата во Неготино од страна на Австријците од „ЕВН“ ќе значи засилување и на монополската позиција.

Купувањето на ТЕЦ Неготино се случува само кракто време откако под своја капа го земаа и ЕСМ дистрибуција. Со влез и во производството сега уште повеке ќе се позиционираат на енергетскиот пазар во земјава.

Верзија за печатење

Прати по e-mail

Порака до авторот