|
| Петровски низ писменото обраќање обвинува дека целокупното работење на Манолев е негова лична одмазда кон МАТ |
|
| |
Трагикомична фигура и ниско морален самонаречен професионалец, тоа е Миле Манолев актуелен директор на Управата за цивилна воздушна пловидба, вели во денешното обраќање претседателот на одборот на директори на редовниот авипревозник МАТ, Златко Петровски.
Последното одбивање на Манолев да ја продолжи летачката дозвола на МАТ, изгледа ги разлути одговорните во авикомпанијата. Почна вадењето на валканите алишта.
Петровски низ писменото обраќање обвинува дека целокупното работење на Манолев е негова лична одмазда кон МАТ, поради следново, цитирам: „Пред неколку години кога беше прерано пензиониран од генералскат функција, Манолев френетично инсистираше да биде испратен како претставник на МАТ во странство, а потоа во периодот на неговата смешна кандидатура за градоначалник на Скопје вршеше личен притисок МАТ со пари да ја спонзорира неговата изборна кампања. Нормално и во двата наврати беше одбиен“, вели Петровски.
„Навистина е штета што вистинските професионалци во Упраавата за цивилна воздушна пловидба ги раководи личност со проблематична суета, која себеси се насликуваа како генерал на бел коњ:“
Доколку било што од изреченово не е вистина Петровски го повикува Манолев јавно да покрене судска постапка.
Познавајќи го Манолев се сомневам дека тоа ќе се случи вели Петровски, могу е поверојатно дека и натаму ќе измислува причини како да ги стопира летовите на МАТ.
Ваквото писмо, кое во бизнис круговите се толкува како објавување на војна од МАТ на Манолев, доаѓа по вчерашното одбивање на директорот на управата да ја продолжи лиценцата за летање на МАТ, поради како што се вели многуте недостатоци во работењето на авикомпанијата.
МАТ сепак, се уште лета, барем до 24 април бидејќи дозволата за летање ја продолжи министерот за транспорт и врски Љупчо Балкоски, со образложение дека дотогаш МАТ ќе ја комплетира документацијата и ќе ги отстрани сите недостатоци.
Вести поврзани со оваа
Најнови вести од Економија
|