|
Молотов коктел е фрлен денеска врз Амбасадата на Велика Британија во Техеран, од поголема група исламисти кои протестираат поради американско - британската операција во Ирак, јавија агенциите наведувајќи дека во инцидентот нема жртви или ранети.
Според истите извори, во протестите учествуваат десетици илјади Иранци кои бараат коалиционите сили, предводени од САД, да се повлечат од соседен Ирак.
Учесниците во протестот со камења искршиле неколку стакла на една од административните згради во комплексот на британската Амбасада
Демонстрантите палеле британски и американски знамиња и барале иранските власти да го протераат од земјата британскиот амбасадор.
|