Горан Петрески

„Ер Вардар“ очекува дозвола за летање за 15 дена

Македонија наскоро ќе добие нова авикомпанија. Станува збор за „Ер Вардар“, која минатитот втроник побарала од Управата за цивилна воздушна пловидба да и даде согласност за работа.

Компанијата очекува во рок од 15 дена воздухопловните власти да и издадат дозволата за летање, за да се вклучи во македонскиот авиобизнис.

Според информациите на А1, основачи на новата авиокомпанија се македонско-косовската компанија „Раизебиро“ и една компанија од Катар.

„Раизбиро“ пред три месеци во весникот на албански јазик „Факти“ објави оглас дека почнала проект за формирање на нова авикомпанија за Косово и за Македонија.

Во огласот беа повикани сите заинтересирани поединци и фирми од Македонија, Косово и од албанската дијаспора да се вклучат во проектот.

Во тек е комплетирање на персоналот на новата авикомпанија и избор на осигурителна компанија за осигурување на изнајмените авинони со кои би се вклучила во авиосообраќајот.

„Ер Вардар“, според нашите информации, планира да почне да лета во средината на наредниот месец.

Првиот човек на македонските воздухопловни власти, Илир Мехмеди, најавувајќи ревизија на договорот со МАТ пред неколку месеци, изјави дека тоа ќе ги охрабри сите кои сакаат да се вклучат во домашниот авиобизнис.

„Можно е некој да побара да формира нова компанија која ќе има структура на професионални лица, а не оние кои веќе се експонирани“, рече тогаш Мехмеди.

Очигледно е дека Мехмеди уште тогаш бил запознаен со амбициите на основачите на „Ер Вардар“. Тој денеска не беше достапен за каков било коментар.

Верзија за печатење

Прати по e-mail