16.02.2003
|
| Белгија со компромисно решение за помошта за Турција во случај на војна против Ирак |
| | |
Белгија понуди компромисен предлог во врска спорот во НАТО околу помошта на Турција во случај на војна во Ирак.
Ги Верховштад, белгискиот премиер рече, неговата земја би го повлекла ветото на одлуката на НАТО под улов Алијансата јасно да се произнесе дека воената помош на Турција е исклучиво од одбрамбен карактер и дека тоа нема да значи прв чекор на воен ангажман на НАТО во ирачката криза.
Предлогот на белгискиот премиер е знак дека НАТО би можел да излезе од кризата по минатонеделната одлука на Франција, Германија и Белгија да стават вето на предлогот на САД за воена помош за Турција.
Можен НАТО компромис силно ќе влијание врз утрешниот вонреден самит на Европската унија посветен исклучиво на ирачката криза.
САД и нудат на Турција пакет економска помош 6 милијарди долари и кредитни гаранции од 20 милијарди долари. За возврат Вашингтон сака да ги користи турските бази за напад врз Ирак од север. Анкара сеуште молчи - по Заливската војна во 91-ва имаше големи загуби и штети.
Антивоените демонстрации продолжија и денеска. Повеќе од 11 милиони луѓе вчера излегоа на улиците на преку 350 градови во светот.
|