21.10.2002
|
| Ново светло во случајот фрли пораката пронајдена близу местото на последното пукање |
| | |
Дали е на повидок пресврт во случајот со 12-те сериски убиства во околината на главниот град на САД, Вашингтон. Полицијата ги уапси првите две лица во истрагата против мистериозниот снајперист, кој по последното убиство, завчера, оставил нова порака со телефонски број.
Две лица денеска се уапсени во рамките на истрагата против мистериозниот снајперист што во околината на Вашингтон, во рок од три недели уби 9 и рани три лица. И полицијата и Белата Куќа ја потврдија оваа вест, но одбија да понудат какви било натамошни детали.
Сведоци виделе дека едно од двете лица, маж на возраст до 30 години, бил уапсен додека покрај светло бело комбе телефонирал од јавна говорница.
Истовремено ново светло во случајот „снајперист“ фрли и пораката што е пронајдена близу местото на последното пукање, на 140 километри јужно од Вашингтон во Ричмонд, Вирџинија.
На пораката е оставен телефонски број, но полицијата го повика оној што ја оставил пораката да се јави на бројот што го оставил за контакт. Се претпоставува дека тоа е снајперистот.
Откако врз последно ранетиот 37 годишен маж е извршена и втората операција и конечно од неговото тело е изваден куршумот со којшто беше погоден, полицијата потврди дека и тој случај е поврзан со претходните 11.
Во меѓувреме, се појавија шпекулации дека снајперистот можеби е поранешен припадник на француската армија, кој што дезертирал и за кој што Франција веќе испратила предупредување до Интерпол дека пребегнал во Америка.
Денеска сите училишта во Ричмонд, каде што се случи последното пукање се затворени и околу 200 илјади ученици останаа дома, стравувајќи да не постанат новата, 13-та жртва на снајперистот.
Исто така денеска е објавено дека лажниот сведок кој пред неколку дена и кажа на полицијата дека видел се` од претпоследното пукање, најверојатно го очцекува казна затвор од 6 месеци.
Стравот и паниката што владееја во Вашингтон и неговата потесна околина, по последното пукање во Ричмонд, се проширија и во градовите шсто се на далечина поголема од 100 километри од Вашингтон.
|