16.08.2002
|
Ирската владата одобри помош за жртвите од поплавите
|
| |
Нивото на реката Елба во германскиот град Дрезден денеска ја достигна рекордната височина. Изутрината во пет часот нивото на Елба беше 8.85 метри, а реката се уште расте, соопштија официјални претставници на германската покраина Саксонија.
Досега рекордно ниво на елба беше 8.77 метри измерено во 1845 година. Стравот од поплави се зголемува во германските покраини Ааксонија, Анхалт и Бранденбург.
Во кризните региони во источна Германија своите домови ги напуштија неколку десетици илјади луѓе, а повеќе десетици се подготвуваат за евакуација.
Во градот Витерфелд во Саксонија Анхалт каде вчера се урна насипот спасувачките екипи ги спасија жителите од загрозените места, но водата се заканува дека ќе го поплави градот и подрачјето каде се наоѓаат повеќе хемиски фабрики.
Жителите на Прага, кои беа први евакуирани поради поплавите што ја зафатија Чешка, синоќа добија дозвола да се вратат во своите домови.
Станува збор за десетина жители од областа „Подскали“, додека останатите од истата област ќе можат да се вратат денеска по проверките на нивните згради.
Градоначалникот на Прага Игор Немец ги замоли повеќе од 45-те илјадите евакуирани лица да покажат трпеливост во желбата што поскоро да се вратат во своите домови.
Ирската влада одобри помош во износ од 300.000 евра наменета за жртвите од поплавите што ги зафатија Чешка, Словачка и Романија.
Чешка ќе добие 200.000 евра помош по пат на Меѓународниот одбор на црвениот крст, додека Романија и Словачка ќе добијат по 50.000 евра, прецизираа претставници на ирската влада.
|