د امریکا سفیر: د دیورند کرښه په رسیمت پیژنو

په افغانستان کې د امریکا سفیر جیمز کیننګ، د مارک گروسمن دا خبره تأیید کړې ده چې هیواد یې د دیورند کرښه د افغانستان او پاکستان تر منځ د پولې په توگه په رسمیت پیژني. خو افغان دولت پر دې موضوع خبرې د بردیو حق نه بولي.

لودین: مافیايي ډلې مو د کار مخه نیسي

له اداري فساد سره د مبارزې د ځانګړې ادارې مشر عزیزالله لودین، وایي چې په فساد کې ښکیلې یو شمیر مافیایي ډلې یې د کار مخه نیسي. هغه زیاتوي چې د افغانستان په فساد کې یو شمیر بهرنۍ موسسې هم ښکیلې دي.

کندوز: د طالبان يو قوماندان نيول سوی دئ

يوه المانۍ ورځپاڼه لیکي، چي د دغه هيواد ځانگړو ځواکونو د افغانستان په شمال کي د طالبانو يو مخکښ قوماندان نيولی دئ. د «بيلد» ورځپاڼي کښلي دي، چي ملا عبدالرحمان د طالبانو له خوا د کندوز والي معرفي سوی وو.

افغان سوداګرو ته په چابهار بندر کې ځمکه توزیع شوه

د ایران د چابهار په بندر کې افغان سوداګرو ته د ځمکو په توزیع کولو پیل شوی دئ. ایران په دغه بندر کې افغان دولت ته ۵۰ هکتاره ځمکه ورکړې ده چې افغان سوداګر هلته خپل توکي زيرمه کړي.

نیکپا خپل د سولې سفر پیلوي

افغان ورزشکار روح الله نیکپا، چې په وروستیو کې د ملګرو ملتونو له خوا په افغانستان کې د سولې د سفیر په توګه نومول شوی دی غواړي چې د خپل هیواد بیلابیلو برخو ته سفر وکړي او خلک سولې او یوالي ته وهڅوي

اوباما او رامني په وروستۍ مناظره کي

بارک اوباما او د ولسمشرۍ په ټاکنو کې د هغه سیال میت رامنې د دوشنبې په ورځ خپله وروستۍ تلویزیوني مناظره وکړه. دغه مناظر د متحده ایالاتو د بهرني سیاست په اړه وه چې په ترڅ کې یې د افغانستان په اړه هم خبرې وشوې.

د غزني «ولسي پاڅون» د غځیدو په حال کې دی

د غزني چارواکي وایي چې د طالبانو پر وړاندې ولسي پاڅونونه د غځیدو په حال کې دي او د خلکو مقاومت طالبان کمزوره کړي دي. په افغانستان کې د طالبانو پر وړاندې «ولسي پاڅونونه» له غزني څخه پیل شول او بیا نورو ولایتونو ته وغځیدل.

په هرات کي د وژل سوي مېرمني قاتل ونيول سو

په هرات کي د يوې ځواني تازه واده شوي مېرمني د وژلو په تور د هغې د خسرخيلو څلور تنه تورن کسان نيول شوي دي. په دوی کي يوه تن اعتراف کړی دئ، چي دغه ۲۴ کلنه مېرمن ده وژلې ده.

هریرود طوفان د افغانستان د غوره لیگ اتله لوبډله شوه

د هریرود طوفان د فوتبال لوبډله د افغانستان د غوره لیګ اتله شوه. دې لوبډلې خپله وروستۍ لوبه د البرز د سیمرغې له لوبډلې سره وکړه. دا لوبه په زرگونو کسانو په لوبغالي کې او ډیر شمیر نورو د تلویزیون له لارې په ژوندۍ بڼه لیده.