На аџилак во Мека

Пророк

Втемелувачот на исламот, пророкот Мухамед е роден во Мека. На оваа слика на уметникот Рашид Ал Дина од 14. век, Мухамед ги прима претставниците на арапските племиња пред Каба. Тој со себе го носи и црниот свет камен кој денес е вграден во источниот агол на Каба.

На аџилак во Мека

Опасен пат

Порано аџиите доаѓаа на камили. Долгиот пат кон светиот град беше полн со опасности. Голем број аџии не успеваа да го преживеат долгиот пат кон Мека.

На аџилак во Мека

Пристигнување со авион

Денес, мнозинството аџии во Саудиска Арабија доаѓа со авион. Од аеродромот во Џеда до Мека остануваат уште 80 километри пат.

На аџилак во Мека

Град од шатори

Мина е долина во близина на Мека. Тука секоја година за време на аџилакот се поставуваат илјадници шатори во кои се сместени аџиите. Сместувањето и исхраната на аџиите од целиот свет претставуваат огромна логистичка задача.

На аџилак во Мека

Рид за простување на гревовите

На почетокот на аџилакот, верниците одат на светиот рид Арефат, оддалечен околу 25 километри од Мека. Тука пророкот Мухамед, според преданието, ја одржал својата последна проповед. На овој рид аџиите се молат за простување на гревовите.

На аџилак во Мека

Каменување на ѓаволот

Во текот на аџилакот во неколку наврати се врши симболично каменување на ѓаволот. И во Мека и во Мина верниците фрлаат по седум каменчиња врз ѕидот кој го симболизира ѓаволот. Порано се фрлаше врз столбовите, но често се случуваше да бидат погодени верниците од другата страна, па во меѓувреме се изградени ѕидови.

На аџилак во Мека

Жртва за сиромашните

Еден од поважните аспекти на аџилакот е и празникот на жртвувањето- Курбан Бајрам. Тој потсетува на библиската приказна за Аврам (Ибрахим) кој е подготвен на Бојжја заповед да го жртвува својот син Исак (Исмаил). Како и во стариот завет, така и денес наместо човек се жртвува овен или некое друго животно. Месото од жртвуваните животни им се дели на сиромашните.

На аџилак во Мека

Вода за Хагара

Еден друг ритуал исто така влече корени од Стариот завет. Верниците седум пати минуваат низ големата џамија и со тоа потсетуваат на слугинката на Ибрахим (Аврам) робинката Хагара која во потрага по вода за својот син Исмаил (Исак) седум пати го минала патот меѓу ридовите Сафа и Мерва пред Бог да и го покаже изворот.

На аџилак во Мека

Заедништво

Повеќе од 2,5 милиони муслимани од целиот свет во 2011. ја посетија Мека. Околу 20 илјади доктори и медицински персонал се грижи за нивното здравје, а повеќе од 100 илјади полицајци и војници за безбедноста на верниците.

Автор: Ракел Гесат/Борис Георгиевски | Редактор: Жана Ацеска