کھیل

چیمپئنز لیگ: ڈورٹمنڈ اور شالکے کی جیت

چیمپئنز لیگ کے گروپ مقابلوں میں جرمن کلب ڈورٹمنڈ اور شالکے کامیاب رہے ہیں۔ بدھ کے مقابلوں میں رئیل میڈرڈ، اے سی میلان، ارسنال اور مانچسٹر سٹی جیسی ٹیموں کو حیران کُن شکست کا سامنا کرنا پڑا ہے۔

چیمپئنز لیگ: بائرن میونخ کی جیت

یورپی فٹ بال کلبوں کے معتبر ٹورنامنٹ چیمپئنز لیگ کے گروپ مرحلے کے میچوں کا سلسلہ جاری ہے۔ جرمنی کے ریکارڈ ساز کلب بائرن میونخ نے فرانسیسی شہر لیل کے کلب کو ایک گول سے ہرا دیا۔ یہ میچ لیل (Lille) میں ہی کھیلا گیا۔

لانس آرمسٹرانگ پر تاحیات پابندی، اعزازات سے محروم

سائیکلنگ میں غیر اعلانیہ عالمی چیمپئن ٹور ڈی فرانس کو سات مرتبہ جیتنے والے امریکی سائیکلسٹ لانس آرمسٹرانگ سے تمام اعزازات کو چھین لیا گیا ہے۔ ممنوعہ طاقت بخش ادویہ استعمال کرنے پر ان کو تا حیات پابندی کا بھی سامنا ہے۔

’افغان پریمیئر لیگ‘ نے عوام کے دل جیت لیے

افغانستان میں ابھی حال ہی میں ’افغان پریمیئر لیگ‘ فٹ بال ٹورنامنٹ کا انعقاد ہوا۔ اس ایک ماہ کے دوران ملک میں فٹ بال کا جوش و خروش عروج پر تھا اور زیادہ تر لوگ گھروں یا ہوٹلوں میں ٹیلی وژن کے سامنے بیٹھے دکھائی دیے۔

پاکستان: بین الاقوامی کرکٹ کے دروازے کھلنے کے امکانات

عالمی الیون کے غیر سرکاری دورے کی کامیابی کے بعد پاکستان پر بین الاقوامی کرکٹ کے دروازے کھلنے کے امکانات روشن ہو گئے ہیں۔ جے سوریا کی قیادت میں عالمی الیون نے پاکستان اسٹارز کے خلاف کراچی دو ٹی ٹوئنٹی میچز کھیلے۔

بنڈس لیگا، ہیمبرگ اشٹٹ گارٹ کے ہاتھوں شکست سے دوچار

بنڈس لیگا کے آٹھویں میچ ڈے کے سلسلے میں اتوار کے روز ہونے والے میچ میں اشٹٹ گارٹ نے ہیمبرگ کو صفر کے مقابلے میں ایک گول سے شکست دے کر اسے پوائنٹس ٹیبل پر چوتھی پوزیشن پر نہ پہنچنے دیا۔

پاکستان میں تین برس بعد بین الاقوامی کرکٹ مقابلے

پاکستان میں تین برس بعد بین الاقوامی کرکٹ مقابلے کا کامیاب انعقاد کیا گیا، جس پر کرکٹ کے دلدادہ پاکستانیوں نے مسرت کا اظہار کیا ہے۔

بنڈس لیگا، بائرن میونخ کی مسلسل آٹھویں فتح

جرمنی کی قومی فٹ بال چیمپیئن شپ بنڈس لیگا کے آٹھویں میچ ڈے کے سلسلے میں ہفتے کے روز کھیلے جانے والے ایک میچ میں بائرن میونخ نے ڈوسلڈوف کو صفر کے مقابلے میں پانچ گول کے واضح فرق سے شکست دے دی ہے۔

پیرالمپکس کی یادیں

11 روزہ کھیلوں کا اختتام

لندن میں 29 اگست سے شروع ہونے والے پیرالمپکس مقابلے اتوار نو ستمبر کو ختم ہو گئے۔ تین گھنٹوں تک جاری رہنے والی اختتامی تقریب میں معروف برطانوی میوزک گروپ ’کولڈ پلے‘ نے بھی اپنے فن کا مظاہرہ کیا۔ ان کھیلوں میں 4200 اتھلیٹس نے 20 کھیلوں کے 503 مقابلوں میں حصہ لیا۔ پیرالمپکس 2012 میں سب سے زیادہ تمغے چینی کھلاڑیوں نے حاصل کیے جن کی مجموعی تعداد 231 ہے۔ روس دوسرے جبکہ برطانیہ تیسرے نمبر پر رہا۔
پیرالمپکس کی یادیں

پیرالمپکس کا چہرہ

آسکر پسٹوریئسOscar Pistorius پیرالمپک مقابلوں کے اسٹار کھلاڑی ہیں۔ جب وہ ٹریک پر دوڑتے ہیں تو سب مبہوت ہو کر انہیں دیکھتے ہیں۔ وہ 200 میٹر اور 400 میٹر میں تو اپنے پیرالمپک ٹائٹلز کا دفاع نہ کر پائے تاہم انہوں نے 400 میٹر میں طلائی تمغہ حاصل کیا۔
پیرالمپکس کی یادیں

شاندار جیت

جیکولین فرینی Jacqueline Freney نے تیراکی میں آٹھ طلائی تمغے جیتے۔ اس 20 سالہ پیراک کی سب سے ڈرامائی فتح 4X400 کی جیت تھی جب وہ ریس کی لیڈرز سے بہت پیچھے تھیں مگر وہ فرق مٹاتے ہوئے سب سے آگے نکل گئیں اور گولڈ میڈل حاصل کیا۔
پیرالمپکس کی یادیں

خوشیاں اور غم

برازیل کے کھلاڑی یوہانسن نسکیمنٹو نے اپنے مداحوں کے دل جیت لیے۔ 200 میٹر دوڑ میں کامیابی کے بعد انہوں نے ٹیلی وژن کیمروں کے سامنے اپنی محبوبہ کو شادی کی درخواست کی۔ تاہم جب وہ زخمی ہونے کے باعث 100 میٹر دوڑ سے باہر ہو گئے تو شدید غم زدہ ہوئے۔
پیرالمپکس کی یادیں

ہَنا کی شاندار کارکردگی

ہنَا کوکروفٹ Hannah Cockroft ہردلعزیز ترین مقامی اتھلیٹ رہیں۔ وہیل چیئر دوڑ میں اس برطانوی کھلاڑی نے 100 میٹر اور 200 میٹر میں طلائی تمغے جیتے۔ ہَنا نے پوڈیم پر فوٹو گرافروں کو خوبصورت پوز دے کر حیران کر دیا۔
پیرالمپکس کی یادیں

شاندار برطانوی شائقین

لندن پیرالمپکس کے دوران تماشائیوں کے اسٹینڈز کو بھر دینے والے برطانوی شائقین بھی گولڈ میڈل کے مستحق ہیں۔ گزشتہ ماہ اولمپک مقابلوں کی طرح پیرالمپکس میں بھی شائقین کی شاندار شرکت نے اسے ایک یادگار ایونٹ بنا دیا۔
پیرالمپکس کی یادیں

بہادری کی مثال

جبوتی سے تعلق رکھنے والے حسین عمر حسن نے 1500 میٹر دوڑ پہلے نمبر پر آنے والے کھلاڑی سے سات منٹ بعد ختم کی لیکن انہیں اس کے باوجود بہت داد ملی۔ حسین نے زخمی ہونے کے باوجود اس دوڑ کو مکمل کیا۔
پیرالمپکس کی یادیں

اکیلے ہی مقابلہ

کمورو سے تعلق رکھنے والے پیراک حسنی احمدا جائے Hassani Ahamada Djae جب پُول سے باہر نکلے تو تماشائیوں نے ان کا شاندار تالیوں سے استقبال کیا۔ انہوں نے 50 میٹر فری اسٹائل پیراکی کا غلط آغازکر لیا تھا، تاہم پھر بھی اپنی پیراکی مکمل کی، جبکہ ان کے باقی حریف ابھی تک نقطہ آغاز پر ہی کھڑے تھے۔
پیرالمپکس کی یادیں

ناقابل شکست

جرمن لانگ جمپر مارکوس ریہم نے اپنے ہی ورلڈ ریکارڈ میں 26 سینٹی میٹر کا اضافہ کیا۔ ان کا 7.35 میٹر طویل جمپ گولڈ میڈل کی جیت سے بھی کہیں بڑھ کر تھا۔ کہا جاتا ہے کہ ریہم شاید بہت جلد ایسے اتھلیٹس سے مقابلے کے قابل ہو جائے گا جو جسمانی طور کسی معزوری کا شکار نہیں ہیں۔
پیرالمپکس کی یادیں

موٹر ریسنگ نہ سہی سائیکلنگ سہی

اٹلی کے کھلاڑی الیزاندرو زناردی Alessandro Zanardi موٹر ریسنگ کے اسٹار ڈرائیور تھے۔ مگر 2001ء میں ایک حادثے کے باعث اپنی دونوں ٹانگوں سے معزور ہوجانے والے زناردی نے ہمت نہیں ہاری۔ انہوں نے سائیکلنگ مقابلوں میں دو گولڈ میڈلز جیتے۔ ان مین ٹرائم ٹرائل اور روڈ ریس شامل ہیں۔ مکسڈ ایونٹ میں انہوں نے چاندی کا تمغہ حاصل کیا۔