Есен во Германија

Собирање на паднатите лисја

Една од задачите на есен, која не причинува големо задоволство е собирање на паднатите лисја. Сопствениците на куќи во Германија имено законски се обврзани да го чистат тротоарот пред нивните домови.

Есен во Германија

Есенско сонце

Календарски есента на северната полутопка почнува на 23. септември. Просечните дневни температури тогаш во Германија се движат околу 18 степен, додека навечер на некои места се мерат и само 4 степени целзиусови.

Есен во Германија

Низ алеите

На есен е особено убаво во многу предели на истокот од Германија, каде се’ уште постојат алеите од пруското време. Посебноста на пејсажите особено доаѓа до израз ако има „циганско лето“.

Есен во Германија

Есенска жетва

Есен е време на жетва. Полињата ширум Германија во овој период се жнејат и се ораат и се собираат плодовите.

Есен во Германија

Низ лозјата на Германија

Во областите каде се засадени лозниците сега се одвива и бербата на грозјето. Околу 80.000 лозари во Германија годишно произведуваат 9,5 милиони хектолитри вино. Најголем дел потекнува од покраината Рајнланд - Фалц.

Есен во Германија

Октоберфест

Есента е време за славје: Најпознат фестивал секако е минхенскиот Октоберфест, но се слави и во други региони низ Германија: Таму се оддржуваат фестивали на виното или црковни манифестации.

Есен во Германија

Магла по полињата

Во раните утрински часови на многу места дрвјата, полињата и далноводите се обвиени во магла. Од земјата се издига студениот воздух од ноќта и се судира со потопли воздушни слоеви - така се создава магла и волшебни пејсажи.

Есен во Германија

Време на костени

Кога плодовите со бодлива обвивка паѓаат од гранките на дрвјата на земја, предизвикуваат силен звук и се распрскуваат. Од нив излегуваат еден до три темно кафеави плодови. Децата од костените потоа прават различни животни и фигури.

Есен во Германија

Силни ветрови

Ветрот во есенските месеци е посилен и може да прерасне во бура. На бреговите на Северното или Балтичкото Море доаѓа и до поплави. Со промената на климата се покачува нивото на морето, а тоа ја зголемува веројатноста за силни бури.

Есен во Германија

Супа од тиква

Во многу германски рестоаранти во овој период се служи супа од тиква - со печени семки од тиква, масло од тиква и павлака. Во зависност од типот на тиквата секоја супа има поинаков вкус. Исто така од тиква се произведува и храна за бебиња.

Есен во Германија

Есенско расположение

Портокалово, жолто, црвено - во овие есенски нијанси се обоени и лозјата на замокот Хамбахер во Фалц. Во непосредна близина минува една од најстарите туристички рути во Германија - улицата на виното.

Автор: ДВ/ Александра Трајковска | Редактор: Симе Недевски