د هریرود طوفان د فوتبال لوبډله د افغانستان د غوره لیګ اتله شوه. دې لوبډلې خپله وروستۍ لوبه د البرز د سیمرغې له لوبډلې سره وکړه. دا لوبه په زرگونو کسانو په لوبغالي کې او ډیر شمیر نورو د تلویزیون له لارې په ژوندۍ بڼه لیده.
د مالي په پلازمینه بماکو کې د دې هیواد په اړه خبرې اترې وشوې. د خبرو ګډونوال پر دې وغږیدل چې ایا له یاغیانو څخه د مالي د شمالي سیمو د بیرته نیولو له پاره باید په دغه هیواد کې پوځي مداخله وکړي او که نه؟
د ناټو عمومي منشي اندرس فوګ راسموسن، له افغان حکومت څخه غوښتي دي چې د آزادو، منصفانه او شفافه ټاکنو د په لاره اچولو هڅه وکړي. په افغانستان کې په ۲۰۱۴ کال کې د ولسمشرۍ ټاکنې کیږي.
په افغانستان کې د پاکستان سفیر د دواړو هیوادونو له چارواکو څخه غوښتي دي چې د دغو هیوادونو تر منځ سوداگریزې اړیکې د سیاستونو قرباني نه کړي. افغانستان او پاکستان له یو بل سره ډیرې پراخې سوداگریزې اړیکې لري.
د بلخ ولایت د دولت آباد په ولسوالۍ کې د سړک د غاړې د یوه ماین د چاودلو له کبله پنځه لس تنه ملکي کسان ووژل او اووه تنه ټپیان شول. په یوې بلې ترافیکي پېښه کې د پنجشنبې په شپه د کابل-جوزجان پر لویه لاره نهه کسان ووژل شول.
د افغانستان د مخدره توکو پر ضد د مبارزې وزیر ضرار احمد مقبل، وايي چې کندهار ته ۲۰ میلیونه ډالر بودجه منظور شوې ده چې د کوکنارو له پاره د معیشت د بدیل د رامنځ ته کولو په برخه کې ولګول شي.
افغان ولسمشر د ناټو له عمومي سرمنشي اندرس فوگ راسموسن سره په یوه گډ خبري کنفرانس کې وویل چې د اړتیا په صورت کې افغان امنیتي ځواکونه له پلان شوي وخت مخکې هم د خپل هیواد د امنیتي مسئولیتونو پر غاړه اخیستولو ته چمتو دي.
په بروکسل کې د اروپايي هیوادونو په غونډه کې د بانکونو د څارنې د یوې نوې ادارې پر جوړولو باندې موافقه شوې ده. دغه اداره به اروپايي بانکونه وڅاري. خو د دې ادارې په اړه باید لا نورې خبري هم وشي.
ايران وايي، چي د جنگ پر مهال کيدای سي هر څه پيښ سي. د ايران يوه پوځي چارواکي ويلي ول، چي د ايران سره د جنگ پر مهال به دغه هيواد امريکايي اډې په نخښه کړي.
شاوخوا پنځوسو سیاسي ګوندونو او مدنې بنسټونو د چهار شنبې په ورځ په کابل کې د یوې غونډې پر مهال وویل چې که چیرې د افغانستان راتلونکې ټاکنې شفافه نه وي نو افغانستان به تر ۲۰۱۴ کال وروسته له یوه نوي کړکیچ سره مخامخ شي.
انګلا میرکل د اروپا د اتحادیې له سر مشرییزې څخه مخکې د یورو د کړکیچ د له منځه وړلو غوښتنه وکړه. د اپوزیسیون یوه مشر پیر شتاین بروک، چې د صدراعظمۍ له پاره کاندید هم دﺉ، د یورو د کړکیچ په حل کې د میرکل سیاست ناکامه وبله.
ایساف د افغان ځواکونو به مرسته یو رپوټ خپور کړی چې په کې د افغان ځواکونو د تلفاتو په اړه لوړې شمیرې خپرې شوې دي. د پلان له مخې باید دغه ځواکونه تر ۲۰۱۴ کال وروسته د افغانستان د ټولو برخو امنیتي مسئولیتونه پر غاړه واخلي.
افغان چارواکي وایي چې د دیورند د کرښې په بله غاړه کې میشت طالبان د افغانستان د امنیت له پاره تر ټولو لوی خنډ دي. چارواکي زیاتوي چې د امریکا د بې پیلوټه الوتکو د بریدونو له کبله د حقاني شبکه افغانستان ته د راتلو هڅې کوي.
په پاريس کي د ۲۰۱۲ کال د موټرانو نندارتون په نړۍ کي د موټرو يو ستر نندارتون بلل کيږي. مک لاورن(پي ۱) امکان لري چي د ۲۰۱۳ کال په نيمايي کي بازار ته را ووځي(پي ۱) د توربو سيستم په لرلو سره کيدای سي د نړۍ تر ټولو گړندی موټر وي.
بالاخره د «جگوار» د علاقمندانو انتظار پای ته ورسېد. دغه موټر د ۴۹۵ قدرت په درلودلو سره نوی بازار ته راوځي. په دغه نندارتون کي د اکتوبر د مياشتي تر ۱۴ نېټې پوري نزدې سل ډوله موټر نندارې ته وړاندي سول.
لکسس د (LF-CC) په ماډل سره د کابين لرونکو موټرانو په بازار کي ځای پيدا کړ، او غواړي چی له(BMW) او ميرسيدس بنز سره سيالي وکړي. ډير لږ مصرف لري او له دوو ماشينونو څخه جوړ دئ.
د پژو کمپنۍ دغه موتر د ډيرو ننداره کوونکو زړونه خپل کړه. د دغه موټر وزن يو زرو سل کيلو گرامه دئ.
د رومانيا دغه موټر داچيا سندرو ډير ارزانه او په ۲۰۱۳ کال کي به بازار ته را ووځي. دغه موټر چي بيه ۶۷۹۰ يورو ده، په اروپا کي تر ټولو ارزانه موټر دئ.
شورليت تراکس د ۲۰۱۳ کال په دوبي کي د نړۍ په ۱۴۰ هيوادونو کي بازار ته راوځي. تراکس ۴ متره او ۲۲ سانتۍ اوږدوالی لري او پنځه تنه ځای لري.
برقي موټران د پاريس د نندارتون ستوري ول. په دغه برخه کي د فرانسې د رنو شرکت د «زوئه» موټر ۷۰ کيلوواټه ماشين لري او جارجيږي.
سکودا په اول وار د پاريس د موټرانو په نندارتون کي نندارې ته وړاندی سوی دئ. دغه ډير لږ مصرف لري او د هغه چا له پاره چي په ښار کي ژوند کوي گټور تماميږي. دغه موټر کافي ځای او ارزانه بيه لري.
جاپانيانو هوندا موټر په ۲۰۱۱ کال کي د توکيو د موټرو په نندارتون کي هم نندارې ته وړاندي کړی وو. خو اوس ئې د دغه موټر يو نوی ماډل نندارې ته وړاندي کړ.
په نړۍ کي د موټرو نندارتون له مرسدس پرته بې معنی ده. د مرسدس کمپنۍ د وروستي ماډل موټر بيه ۲۰۰ زره يورو ده.
د رنو دغه نوی ماډل موټر ۴۳۰ ليتره پترول ځايوي، چي دا د وروستي ماډل په پرتله ۱۳۰ ليتر تيل اضافه ځايوي. د دغه موټر ټانکۍ تر ټولبکس لاندي جوړه سوې ده.
د پورشه کمپنۍ دغه موټر بازار ته وړاندي کړی دئ. د دغي کمپنۍ اکثره موتران صحرايي دي او ډير لږ سپورتي موټر يې جوړ کړي دي. دوی په دې موټر سره کولای سي چي په بازار کي د رانيوکو پام ځان ته را واړوي.
اودی په دغه ماډل سره د خپلو موټرو د ماډلونو په اخطراح کي انقلاب کړی دئ. دغه موټر تر ۱۴۰۰ کيلوگرامه لږ وزن لري. دغه موټر ډيري نوي تخنيکي نو اورۍ لري. د دغه موټر ماشين په ساعت کي ۵۵ کيلومتر واټن پخپله اتومات وهلای سي.
د جرمني د فولکس واگن کمپنۍ څه موده دمخه بازار ته د«گلف اووه» موټر د را ايستلو خبره وکړه. خو اوس د دغه موټر مينوالو په پاريس کي هغه له نزدې وليد.
لکه څرنگه چي وړاندوينه ئې کېدله د نړۍ د مختلفو هيوادونو څخه په زرونو خلکو ننداره وکړه او نزدې د نړۍ د موټرونو په دنيا کي ئې له نزدې ۱۰۰ ډوله نو اوريو سره اشنا سول.
لیکوال: دويچه ويله | کتونکی: نجيب الله زيارمل
افغان ولسمشر حامد کرزي د پاکستان له سياسي او مذهبي مشرانو څخه په يوه لیک کي له ترويزم سره د مبارزې غوښتنه کړې ده: دی وايي، دواړه هيوادونه له يوه خطرناک دښمن سره مخامخ دي.
افغان کريکټ ملي لوبډله
يو شمېر موضوعات د انځور په ژبه
